Astanada mereke qarsańynda qalalyq aýyl sharýashylyǵy jármeńkesi ótedi

ASTANA. KAZINFORM – Qazaqstan halqynyń birligi kúnin merekeleý qarsańynda elordada 26 jáne 27 sáýirde kezekti qalalyq aýyl sharýashylyǵy jármeńkesi ótedi, dep habarlaıdy Astana ákimdiginiń resmı saıty.

Jármeńkede Qazaqstannyń túrli óńirlerinen jergilikti fermerler men óndirýshiler jetkizgen ónimder usynylady. Qala turǵyndary men qonaqtary kókónister men jemis-jıdek, et, un, sút ónimderin, kondıterlik ónimderdi, tabıǵı shyryndardy jáne t.b. satyp ala alady.

Іs-shara 26 jáne 27 sáýirde tańǵy 10:00-den keshki 22:00-ge deıin Nurǵısa Tilendıev dańǵyly 12a mekenjaıyndaǵy «Koktal» saýda-oıyn-saýyq ortalyǵynda ótedi.

Aıta keteıik, elordada Beıbarys Sultan kóshesi, 23 («Rıo-de-Janeıro» TK qarama-qarsy) mekenjaıynda aýyl sharýashylyǵy jármeńkesi jumys isteıdi. Ol kún saıyn saǵat 9.00-den 19.00-ge deıin kelýshiler úshin ashyq bolady.

Kelýshilerge yńǵaıly bolý úshin jármeńkege mynandaı avtobýs marshrýttary ótedi: № 2, 32, 49, 50, 73. Bul is-shara ótetin jerge jyldam jetý úshin mańyzdy.

Eske sala keteıik, buǵan deıin elordada 5 sáýirden bastap Beıbarys Sultan kóshesiniń boıynda aýyl sharýashylyǵy jármeńkesi bastalatynyn jazǵan habarlaǵan edik.