Astanada merdiger turǵyn úı salýǵa bólingen mıllıardtaǵan bıýdjet qarajatyn jymqyrǵan

ASTANA. KAZINFORM – Astanada kóppáterli turǵyn úı kesheniniń qurylysyn qarjylandyrýǵa bólingen bıýdjet qarajatyn ıemdený jáne talan-tarajǵa salý faktisi boıynsha «Dorstroıtrest» JShS basshysyna qatysty sot úkimi shyǵaryldy.

Tergeýdi QMA Astana qalasy boıynsha departamenti júrgizdi.

«Samruk-Kazyna Construction» AQ men «Dorstroıtrest» JShS arasynda qurylysqa ınvestıtsııa tartý týraly shart jasalyp, onyń aıasynda merdigerge 2,6 mlrd teńge avans aýdarylǵan.

Alaıda qurylys jumystary tıisti talaptarǵa sáıkes júrgizilmeı, belgilengen merzimde aıaqtalmaǵan. Avanstyń edáýir bóligi qurylysqa qatysy joq qaryzdardy óteýge jáne avtokólik satyp alýǵa jumsalǵan.

Budan bólek, 650 mln teńge jalǵan sharttar arqyly affılırlengen kompanııalardyń shottaryna aýdarylyp, qolma-qol aqshaǵa aınaldyrylǵan.

– Sot úkimimen «Dorstroıtrest» JShS basshysy Nýrabaev kináli dep tanylyp, oǵan 7 jyl bas bostandyǵynan aıyrý jazasy taǵaıyndaldy. Sondaı-aq sot sheshimimen jalpy quny 131 mln teńge bolatyn múlik memleket kirisine tárkilendi. «Samruk-Kazyna Construction» AQ-nyń burynǵy basqarýshy dırektory halyqaralyq izdeýde, - dep habarlady Qarjylyq monıtorıng agenttigi.

Aıta keteıik, Petropavlda sorǵy stantsııasyn jóndeýge arnalǵan qarajatty jymqyrǵan basshy jazasyn aldy.