Astanada «Meniń Otanym - Qazaqstan» serııasy aýqymynda «Baıanaýyl» kitaby jaryq kórdi
ASTANA. Shildeniń 29-y. QazAqparat /Janna Qorqytova/ - Búgin Astanada «Baıanaýyl» kitabynyń tanystyrylymy boldy. Kórkem bezendirilgen ǵylymı-kópshilik basylymdy tarıh ǵylymdarynyń doktory Jambyl Artyqbaev jazyp shyqty, ol «Meniń Otanym - Qazaqstan» serııasy aýqymynda «Folıant» baspasynan shyqty.
Baspa 2006 jyldan «Meniń Otanym - Qazaqstan» serııasymen bizdiń tarıhı aımaqtarymyzǵa arnalǵan kitaptar shyǵaryp keledi. Buǵan deıin «Ulytaý», «Oıyl», «Ereımentaý», «Qazyǵurt», «Otyrar» atty kitaptar shyqqan bolatyn.
Jambyl Artyqbaevtyń kitabynda Baıanaýyl óńiriniń burynǵy jáne qazirgi tarıhynan syr shertiledi. Tabıǵaty kórkem óńirden talaı marqasqa azamattar shyqqan.
Tanystyrylymǵa qatysqan zııaly qaýym bul kitap ólketanýshylar men tarıhshylarǵa ǵana emes, óńirdiń ereksheligin bilýge qumartqan búkil oqyrman qaýym úshin de paıdaly ekenin atap ótti.
«Bul serııadaǵy kitaptardyń qaı-qaısysy da bizdiń baı tarıhymyzben oqyrmandardy tanystyrady, olardyń boıynsha maqtanysh pen patrıottyq sezimdi nyǵaıtady», - dedi baspasynyń bas redaktory Raýshan Turlanova
«Baıanaýyl» kitabynyń alǵashqy taralymy - 1000 dana. Eger qosymsha suranys bolsa, kitaptyń qosymsha taralymy shyǵarylmaq.
