Astanada «Meniń kishkentaı hanshaıymym» sulýlyq baıqaýynyń aqtyq máresi ótti

«Nur Otan» HDP-nyń qoldaýymen «Gúlnár Orazalınanyń bekzat qyzdardyń ımıdj stýdııasy» uıymdastyrǵan baıqaýdyń alǵashqy kezeńine shamamen 80 úmitker qatyssa, onyń tek 17-si ǵana fınalǵa shyqty.

Kishkentaı hanshaıymdardyń ulttyq kıim men keshki sán kóılekterin kórsetý saıysy kórermender men qazylar alqasynyń qyzyǵýshylyǵyn týdyrdy. Fınaldyq bólim dástúrli túrde ótip, «Kishkentaı top-model hanshaıymy», «Kishkentaı hanshaıym», «Kishkentaı sulýlyq hanshaıymy», «Kishkentaı baqyt hanshaıymy» syndy atalymdar boıynsha jeńimpazdar anyqtaldy. Baıqaýdyń qorytyndysy boıynsha ekinshi «Kishkentaı vıtse-hanshaıym» ataǵyna Gúlsaıa Kópjasarova, birinshi «Kishkentaı vıtse-hanshaıym» ataǵyna Birǵaýym Qarajanova ıe boldy. Al baıqaýdyń bas júldesi Medına Áljanovaǵa buıyrdy.