Astanada «Meniń Qazaqstanym» respýblıkalyq festıvaliniń qalalyq kezeńi ótedi

ASTANA. QazAqparat - Astanada 24 qańtar kúni saǵat 11:00-de M. Gorkıı atyndaǵy akademııalyq drama teatrynda Qazaqstan halqy Assambleıasynyń 20 jyldyǵyna arnalǵan "Meniń Qazaqstanym" respýblıkalyq baıqaýynyń qalalyq kezeńi ótedi. Sonymen qatar, "Beıbitshilik pen kelisim jol kartasy" mega-jobasynyń qorytyndysyn shyǵarý rásimi ótedi, dep habarlady Astana qalasynyń resmı saıty.

Qazaqstan halqy Assambleıasynyń Astana qalalyq hatshylyǵynyń habarlaýynsha, festıvalǵa elordalyq etnobirlestikterdiń ókilderi (ánshiler, vokaldyq toptar, hor ujymdary, mýzykanttar) qatysyp, qalalyq fılarmonııanyń súıemeldeýimen óz ónerlerin ortaǵa salady.

Sharanyń maqsaty - memlekettik tildiń qoldaný aıasyn keńeıtý, mádenıetke, dástúrge degen qurmetti qalyptastyrý. Festıval sońynda "Astanadaǵy beıbitshilik pen kelisim jol kartasy" kitaby taratylady.