Astanada «Meniń elim - Qazaqstanym!» patrıottyq ánder merekelik kontserti ótedi
ASTANA. 9 tamyz. QazAqparat - Erteń Astana qalasyndaǵy «Qazaqstan» ortalyq kontsert zalynda sheteldegi qazaqstandyq stýdenttik uıymdardyń І sletiniń aýqymynda «Meniń elim - Qazaqstanym!» patrıottyq ánder merekelik kontserti ótkiziledi.
Bul sharanyQazaqstan Respýblıkasy Prezıdentiniń «Bolashaq» halyqaralyq stıpedııasy stıpendıattarynyń qaýymdastyǵy, «Nur Otan» HDP «Jas Otan» jastar qanaty, «Altyn Qyran» halyqaralyq qaıyrymdylyq qory birlese uıymdastyryp otyr. Bul týraly «Bolashaq» qaýymdastyǵynyń baspasóz qyzmeti habarlady.
Іs-shara maqsaty - óskeleń urpaqtyń boıynda rýhanı qundylyqtardy qalyptastyrý, jastardyń boıynda patrıottyq sezimdi nyǵaıtý. Іs-sharaǵa qurmetti qonaqtar retinde HHH Olımpıada oıyndarynyń jeńimpazdary men júldegerleri, mıllıondaǵan qazaqstandyqtardyń kóńilinen shyqqan «Jaýjúrek myń bala»kórkem fılminiń shyǵarmashylyq tobyqatysady.
Kórermender men qonaqtar úshin otandyq estradanyń juldyzdarynyń oryndalýymen qazaqstandyq avtorlardyń ánderi shyrqalady. Kontsertke Eskendir jáne Birjan Hasanǵalıevter, Erbolat Qudaıbergenov, Ibragım Eskendir, Tóreǵalı Tórealı, Asqar Júnisbekov jáne «Orda», «Kesh you», «Ringo», «Trıo Z» saz ujymdary qatysady.
