Astanada «Men jáne meniń polıtseıim» aktsııasy ótkizildi (FOTO)
ASTANA. QazAqparat - 30-31 qazanda Astana qalasynyń tártip saqshylary halyq pen polıtsııa arasyndaǵy qarym-qatynasty nyǵaıtý úshin «Men jáne meniń polıtseıim» aktsııasyn ótkizdi. Oǵan túrli memlekettik organdardyń, úkimettik emes jáne qoǵamdyq uıymdardyń ókilderi qatysty, dep habarlady astana.kz
Eki kún boıy kámeletke tolmaǵandardyń isteri jónindegi ınvpektorlar 1-4 synyp oqýshylarynyń, sonymen qatar, mektepke deıingi mekemelerdiń eresekter toptaryndaǵy tárbıelenýshiler arasynda «Polıtseı dos ári qorǵaýshy» taqyrybynda áńgimelesýler, dárister men taqyryptyq oıyndar ótkizdi. Jol qozǵalysy jas ınspektorlarymen (JQJI) birge balalarǵa joldardaǵy jáne qoǵamdyq oryndardaǵy, sondaı-aq, beıtanys adamdarmen qarym-qatynas kezindegi tártiptiń negizgi erejeleri túsindirildi. Sabaq sońynda polıtseıler balalardyń jol-kólik oqıǵalary saldarynan jaraqattanýynyń aldyn alý maqsatynda 1-shi synyp oqýshylaryna túngi ýaqytta kórinetin jaryq shaǵylystyratyn 70 bilezik tabystady.
