Astanada Memlekettik rámizder kúni dúnıege kelgen sábılerdiń ata-analaryna syılyqtar tabystaldy
ASTANA. KAZINFORM — Astana qalasyndaǵy №2 kópbeıindi qalalyq aýrýhanada Memlekettik rámizder kúni dúnıe esigin ashqan sábılerdiń ata-analaryna qurmet kórsetilip, arnaıy syılyqtar tabystaldy.
Іs-sharaǵa QR Mádenıet jáne aqparat mınıstrliginiń Geraldıkalyq zertteýler ortalyǵynyń ókilderi, sondaı-aq Qazaqstannyń eńbek sińirgen qaıratkeri, ánshi Altynaı Jorabaeva qatysty.
Mereke kúni Premer-mınıstrdiń orynbasary – Mádenıet jáne aqparat mınıstri Aıda Balaevanyń atynan jas analarǵa quttyqtaý hattar men estelik syılyqtar tapsyryldy.
Іs-sharanyń maqsaty – rámizder kúniniń mańyzyn uǵyndyra otyryp, ulttyq qundylyqtardy dáriptep, jas urpaqqa rýhanı tárbıe berý, otbasylyq qundylyqtar men jańa ómirdiń bastaýyn eldik múddemen baılanystyrý.
