Astanada Memlekettik kirister departamentine jańa basshy taǵaıyndaldy
ASTANA. KAZINFORM — Qarjy mınıstrligi Memlekettik kirister komıtetiniń Astana qalasy boıynsha Memlekettik kirister departamentiniń basshysy bolyp Manzorov Serik Baǵdatuly taǵaıyndaldy.
Qarjy mınıstrliginiń apparat basshysy Ernar Erjanov Astana qalasy boıynsha Memlekettik kirister departamentiniń ujymyna jańadan taǵaıyndalǵan basshyny Serik Manzorovty tanystyrdy.
Serik Manzorov memlekettik organdar men salyq qyzmeti júıesinde kóp jyldyq eńbek ótiline ıe. Eńbek jolyn 2006 jyly Almaty qalasy ákimdiginde bastaǵan.
Ár jyldary jetekshi mamannan aýdan ákiminiń orynbasaryna deıingi túrli laýazymdarda jumys istegen. Sondaı-aq Qarjy mınıstrligi Memlekettik kirister komıteti men Qazaqstan Respýblıkasy Prezıdenti Ákimshiliginde qyzmet atqarǵan.
Memlekettik kirister júıesinde 2010 jyldan beri eńbek etip keledi. Osy ýaqyt aralyǵynda bas mamannan Departament basshysynyń orynbasaryna deıingi qyzmet jolynan ótken.
2021 jyldyń qyrkúıeginen bastap Mańǵystaý oblysy boıynsha Memlekettik kirister departamentin basqaryp keldi.
Quqyqtaný, qarjy jáne memlekettik basqarý salalarynda bilimi bar. Ál-Farabı atyndaǵy QazUÝ, T. Rysqulov atyndaǵy Qazaq ekonomıka ýnıversıteti jáne Qazaqstan Respýblıkasy Prezıdenti janyndaǵy Memlekettik basqarý akademııasyn támamdaǵan.
Aıta ketelik apta ishindegi kadrlyq taǵaıyndaýlar týraly jazǵan edik.