Astanada memlekettik-jekemenshik áriptestik aıasynda kóshe shamdary paıda bolýy múmkin
ASTANA. QazAqparat - Bılik memlekettik-jekemenshik áriptestik aıasyndaǵy jobalardy júzege asyrý barysynda ınvestorlardy belsendi túrde tartýǵa kiristi, dep habarlaıdy elorda ákimdiginiń medıa ortalyǵy.
Memlekettik-jekemenshik áriptestik (MJÁ) jobasynyń tusaýkeserine arnalǵan dóńgelek ústel bolyp ótti. Astananyń MJÁ jobalarynyń operatory retinde qalalyq Astana Invest ınvestıtsııalardy damytý ortalyǵy qoldanystaǵy 8 jobany júrgizýde. Olar bilim, transport, turǵyn úı jáne energetıka salalary. Astanada jaqyn arada bıznestiń qatysýymen qosymsh, muǵalim daıyndaýmen aınalysatyndar balabaqshalar, kolledj jáne de onkodıspanser ashylmaq. Rakpen aýyratyndardy emdeý aýrýhanasyn sheteldik ınvestorlardyń esebinen salýdy josparlap otyr.
«Biz qazir onkologııalyq emhanany joǵary deńgeıge kóterý úshin bizge kómektesetin iri halyqaralyq ınvestorlar izdestirýdemiz. Eger júzege asqan jaǵdaıda naýqastar emdelý úshin shetel asyp ketpeı-aq barlyq emdeý protsedýralaryn osynda ala alatyn bolady», - deıdi Astana Invest basqarma tóraǵasynyń orynbasary Janar Musataeva.
MJÁ aıasynda elorda aımaǵynda jańa demalys zonasy paıda bolýy múmkin.
«Kóńil kóterý, demalys aımaǵy salasyn da damytý josparlanyp otyr. Qala bıligi jer ýchaskesi men jaǵajaı bóldi. Bólingen 25 gektar jer jasyl aımaqta ornalasqan. Onda túgelimen jasyl ormanǵa oranǵan ári velojol bar. Biz ol jerdi qorshap, jeke bıznestiń qolyna ary qaraı kórkeıtýi úshin tabys etemiz», - deıdi J.Musataeva.
Budan basqa, bılik bıznestiń kómegimen energo salasyn da retke keltirýdi josparlaýda. Sebebi, taıaý arada Astanada kóshe shamdary men lampalary paıda bolsa tań qalmańyz.
«Joba aıasynda biz tolyqtaı jaryqtandyrýy joq kóshelerdi aýystyrsaq deımiz. Kóshelerge aqyldy ishteı basqarý júıesi men kóshelerdi jaryqtandyrý - dımmırli júıeni ornatýdy kózdeımiz, ıaǵnı baǵdarlamanyń qamtamasyz etýimen jaryq ózi óship, janyp turady. Sondaı-aq, bul baǵdarlama qaı shamda aqaý baryn baqylap turýǵa múmkindik beredi», - deıdi J.Musataeva.
Astana Invest basqarmasynyń tóraǵa orynbasarynyń aıtýynsha, usynylǵan jobanyń barlyǵy da saraptamadan ótýde. Bılik ınvestorlardy MJÁ - qazirgi jáne josparlanyp otyrǵan jobalardy júzege asyrýǵa shaqyrýda.
