Astanada «Memlekettik tildi damytý» Prezıdenttik qory jýrnalıstik syılyǵynyń jańa júldegerleriniń esimderi jarııalandy
ANA. 22 maýsym. QazAqparat - Búgin Astanada «Memlekettik tildi damytý» Prezıdenttik qory jyl saıyn beriletin «Qazaq tilin nasıhattaýǵa qosqan úlesi úshin» jýrnalıstik syılyǵynyń jańa júldegerleriniń esimderin jarııa etti,
dep habarlaıdy qordyń baspasóz qyzmeti.
Bıylǵy syılyqqa respýblıkalyq BAQ-tyń úsh ókili: Ǵabıt Músirep(«Nur Astana» gazetiniń Bas redaktory), Maksım Rojın («7 telearnanyń» jýrnalısi), Álııa Kenjebaeva («Astana» telearnasynyń jýrnalısi) ıe boldy.
Qor dırektory Azat Sháýeevtyń aıtýynsha, bul jýrnalıstik marapattyń kózdegeni Qazaqstandaǵy tildik jaǵdaıdy jan-jaqty jáne shynaıy saralap, qazaq tiliniń qoǵamdaǵy orny men mańyzdylyǵy týraly tanymdy materıaldar ázirlep júrgen, óz kásibinde qazaq tilin keńinen paıdalanatyn da, nasıhattaıtyn baspa jáne elektrondy BAQ-tardyń ókilderin yntalandyrý.
Bul syılyq 2010 jyly jýrnalısterdiń kásibı merekesi qarsańynda taǵaıyndalǵan bolatyn. Onyń mólsheri - elý myń teńge.
Byltyrǵy alǵashqy aqshalaı júldelermen «Ana tili», «Kazahstanskaıa pravda» jáne «Rýdnyı Altaı» gazetteriniń jýrnalısteri marapattalǵan bolatyn.
