Astanada memlekettik til men ádebıetti aqparattyq tehnologııalar negizinde oqytý máseleleri talqylandy
ASTANA. Qarashanyń 23-i. QazAqparat /Arman Asqarov/ - Erteń, qarashanyń 24-i kúni Lev Gýmılev atyndaǵy Eýrazııa ulttyq ýnıversıtetinde «Til men ádebıetti oqytýdyń teorııasy men ádistemesindegi ınnovatsııalyq tehnologııalar: máseleler jáne damý joldary» taqyrybynda Halyqaralyq ǵylymı-tájirıbelik konferentsııa ótedi,
dep habarlaıdy QazAqparat.
Ekikúndik májilis barysynda qazaq tili men ádebıetin jańa aqparattyq tehnologııalardyń negizinde oqytý jáne osy saladaǵy halyqaralyq tájirıbeni keńinen qoldaný máseleleri talqylanyp, osy saladaǵy qazaqstandyq ǵalymdardyń jetistikteri tanystyrylady. Atap aıtqanda, memlekettik tildi júıeli oqytýdyń jańa joldary, ilespe aýdarma jumysyn damytý, «til-mádenıet-aýdarma» tutastyǵyn saqtaý jáne taǵy basqa til men ádebıettiń ózekti máseleleri qaralady.
Konferentsııada Qazaqstan, Reseı, AQSh jáne Germanııanyń belgili til mamandary baıandama jasap, arnaıy sheberlik synyptaryn ótkizedi.
