Astanada «Memlekettik til - memlekettik qyzmette» baıqaýy ótýde
Uıymdastyrýshylardyń aıtýynsha, «Memlekettik til - memlekettik qyzmette» dep atalatyn baıqaýdyń basty maqsaty - sóıleý, til mádenıeti mashyqtaryn meńgergen, kommýnıkatıvtik biliktiligi artqan, logıkalyq oılaýy óz deńgeıine sáıkes damyǵan, mádenıetti sóıleýge beıimdelgen memlekettik organ qyzmetkerlerin anyqtaý jáne marapattaý. Sol arqyly qazaq tiliniń mártebesin arttyrý, memlekettik qyzmette memlekettik tildiń qoldanylý aıasyn keńeıtý.
Jalpy baıqaýǵa 15 top qatysty. Olardyń ishinen aqtyq synǵa eń úzdik degen 7 ujym iriktelinip alyndy. Shara 4 kezeńnen turady: «Tanystyrý», «Qazirgi kezde qoǵamdaǵy qazaq tiliniń máselesi», «Termınder álemi», «Qazaq sózi». Qatysýshy toptardyń árqaısy 5 adamnan quralǵan.
Jarys sońynda jeńimpazdarǵa baǵaly syılyqtar men dıplomdar tabys etiledi.
