Astanada memlekettik tapsyryspen jekemenshik balabaqshalarǵa balalardy qabyldaý bastalady
ASTANA. QazAqparat - Erteń elordada paıdalanýǵa berilgen jekemenshik balabaqshalarǵa kezekke tirkelgen 3-ten 6 jasqa deıingi balalardy qabyldaý bastalady. Bul týraly Astana qalalyq bilim basqarmasynan habarlady.
Joldamalar memlekettik bilim berý tapsyrysy bar jańa jáne qoldanystaǵy jekemenshik balabaqshalarǵa beriledi. Balalardy balabaqshaǵa qabyldaý jumystary 28 qyrkúıekten 12 qazanǵa deıin júrgiziledi. Joldama úshin Qartaly kóshesinde ornalasqan №61 orta mektepke saǵat tańerteńgi 10-nan keshki 18.00-ge deıin kelý qajet.
Bul rette Astana turǵyndarynda aǵymdaǵy kezek nómiri bolýy tıis (ony JSN, balanyń TAÁ jáne týǵan kúni boıynsha https://egov.kz/ portaly arqyly bilýge bolady). Jekemenshik balabaqshada ata-analardyń tólemaqysy 20 800 teńgeni quraıdy. Turǵylyqty mekenjaıǵa sáıkes memlekettik tapsyrys boıynsha jekemenshik balabaqshalardyń tiziminen tańdap, oǵan joldamany alýǵa múmkindik bar.
Aıta keterligi, jekemenshik balabaqshaǵa joldama alsa da memlekettik balabaqshaǵa kezek saqtalady.
