Astanada memlekettik satyp alýlarda «jaýapsyz» kásiporyndar jıi jeńiske jetedi
ASTANA. QazAqparat - Astanada memlekettik satyp alýlarda «jaýapsyz» kásiporyndar jıi jeńiske jetedi. Bul týraly búgin Astana ákimi Á.Jaqsybekovtiń tóraǵalyǵymen ótken elorda ekonomıkasyn jaqsartý máselelerine arnalǵan jıynda qalalyq memlekettik kirister departamentiniń basshysy Ábilqaıyr Sqaqov málim etti.
«2014 jyldyń qorytyndysy boıynsha 728,9 mlrd. teńge kólemindegi memlekettik satyp alýlardyń jeńimpazdarynan bıýdjetke 113,5 mlrd. teńge kiris tústi. ıAǵnı, salyqtyq qaıtarym 4,7 paıyzdy qurady»,- dedi Á.Sqaqov.
Sonymen qatar onyń aıtýynsha, ótken jyly bıýdjet qarjysynyń eń úlken somasyn, ıaǵnı 593,2 mlrd. teńgesin 126 salyq tóleýshi alǵan. Atalǵan top memlekettik satyp alýlar boıynsha qarjy alǵan jalpy salyq tóleýshiler sanynyń 5,5 paıyzyn quraıdy. Biraq olardan alynǵan qarjy kólemi jalpy qarjylandyrýdyń 81,4 paıyzynan asyp tústi. Buǵan qosa, 169,1 mlrd. teńgeniń memlekettik satyp alýalaryna ıe bolǵan 152 jeńimpazdyń salyqtyq júktemesiniń koeffıtsıenti 1 paıyzdan da tómen.
«Shyn mánde olardan salyq tólemderi múldem joq. Memlekettik satyp alýlardyń jeńimpazdary jumystar men qyzmetterdiń oryndalýyna memleket senimimen nesıe alady desek te bolady. Mundaı sheksiz múmkindikke ıe bolǵandar isine barynsha adal ári salyqtyq tólemderde abyroıly bolýy tıis qoı. Ókinishke oraı, jaǵdaı budan áldeqaıda alshaq», - dedi departament basshysy.
