Astanada memlekettik rámizder kúnine oraı «Kók týdyń jelbiregeni» atty aktsııa ótedi
ASTANA. QazAqparat - 27 mamyrda Astanalyq saıabaqta Qazaqstan Respýblıkasy memlekettik rámizderi kúnine oraı «Kók týdyń jelbiregeni» atty tanymdyq is-shara ótkiziledi, dep habarlaıdy elorda ákimdiginiń resmı saıty qalalyq tilderdi damytý jáne arhıv isi basqarmasyna silteme jasap.
Sharanyń maqsaty - turǵyndardyń Tý, Eltańba, Gımn týraly túsinikterin nyǵaıtý. Rámizderdiń paıda bolýy jáne tarıhtaǵy mańyzy jaıly túsinikterdi damytý. Qazaqstan Respýblıkasynyń memlekettik rámizderin jan-jaqty túsindirý arqyly adamdardyń boıynda patrıottyq sezimdi qalyptastyrý, týǵan jerine, eline degen súıispenshilikke baýlý, ulttyq nyshandaryna zor qurmet, shynaıy sezim, ulttyq rýh turǵysynda qaraýǵa daǵdylandyrý.
Kórermenderdiń nazaryna kontserttik baǵdarlama usynylady, onda qazaq estradasynyń belgili ánshileri Edil Qusaıynov, Ibragım Eskendir, Dos, Qurmash Mahan óner kórsetedi.
Sonymen qatar, kórermendermen suraq-jaýap retinde vıktorına oınatylyp, durys jaýap bergenderge syılyqtar tabystalady.
