Astanada Memlekettik qyzmetti jetildirý máseleleri jónindegi saraptamalyq keńestiń alǵashqy otyrysy ótýde

Memlekettik qyzmet isteri agenttiginiń tóraǵasy Álıhan Báımenovtyń aıtýynsha, Memlekettik qyzmetti jetildirý máseleleri jónindegi saraptamalyq keńestiń maqsaty - memlekettik qyzmetti jańǵyrtýdy saraptamalyq-konsýltatıvti qyzmet sharalarymen qamtamasyz etý bolyp tabylady. «Biz saraptamalyq keńestiń memlekettik qyzmetti odan ári jetildirýge baǵyttalǵan zańnamalyq aktilerdiń sapasyn arttyrýǵa septigin tıgizedi degen oıdamyz. Óıtkeni atalmysh keńestiń quramyna memlekettik qyzmetkerlermen qatar ǵylymı-zertteý ınstıtýttary men úkimettik emes uıymdardyń ókilderi qatysýda», dedi agenttik tóraǵasy.

Onyń aıtýynsha, bolashaqta saraptamalyq keńestiń árbir májilisi naqty bir máselege arnalatyn bolady. «Biz memlekettik qyzmetti jańǵyrtýǵa qatysty qalyń kópshiliktiń usynystaryn qýana qabyldaımyz. Bul buqaralyq aqparat quraldaryna qatysty da aıtylǵan másele. Sebebi bizdi ózimizdiń atqaryp jatqan isterimiz týraly jurtshylyqtyń ne oılaıtyny qatty tolǵandyrady. Men memlekettik qyzmetti jetildirýge qatysty usynystardyń barlyǵy tıisti zańnama qabyldaý barysynda nazarǵa alynatyndyǵyn jetkizgim keledi»,-dedi Á.Báımenov.

Onyń sózine qaraǵanda, búgingi otyrystyń taqyryby memlekettik qyzmetkerlerdi tańdaý protsedýrasyna qatysty bolmaq. «Memlekettik qyzmet isteri agenttigi qazir óziniń strategııalyq josparlaryn qaraýda. Al onyń bazalyq maqsatty ındıkatory retinde biz konkýrstyq tańdaý barysynda azamattardyń senimine ıe bolý sharasyn negizge alyp otyrmyz. Konkýrstyq tańdaý barysyndaǵy sharalarǵa qazir qalyń kópshiliktiń kúmánmen qaraıtyndyǵy jasyryn emes»,-dedi agenttik tóraǵasy.