Astanada Memlekettik qyzmetshileri ar-namys kodeksiniń talaptaryn buzǵandardyń isi qaraldy - Tártiptik keńes
ASTANA. 19 qańtar. QazAqparat - Qazaqstan Respýblıkasy Memlekettik qyzmet isteri agenttiginiń Astana qalasyndaǵy Tártiptik keńes tóraǵasy T.T.Qaskınniń tóraǵalyǵymen Tártiptik keńes otyrysy ótti.
Bul týraly atalǵan agenttik málimetinde habarlandy.
Tártiptik keńes jumysy barysynda QR Sybaılas jemqorlyqqa qarsy zańnamanyń jáne QR Memlekettik qyzmetshileriniń ar-namys kodeksiniń talaptaryn buzǵany úshin «Qazaqstan Respýblıkasy Qorshaǵan ortany qorǵaý mınıstrligi Ekologııalyq retteý jáne baqylaý komıtetiniń Esil ekologııa departamenti», «Qazaqstan Respýblıkasy Óńirlik damý mınıstrliginiń Jer resýrstaryn basqarý komıtetiniń Astana qalasy boıynsha aýmaqtyq jer ınspektsııasy», «Qazaqstan Respýblıkasy Aýyl sharýashylyǵy mınstrligi Agroónerkásiptik keshendegi Memlekettik ınspektsııa komıtetiniń Astana qalasy boıynsha aýmaqtyq ınspektsııasy» memlekettik mekemeleriniń laýazymdy tulǵalaryna qatysty tártiptik isteri qaraldy.
Sonymen qatar, «Astana qalalyq sotynyń keńsesi» jáne «QR Tabıǵı monopolııalardy retteý agenttiginiń Astana qalasy boıynsha departamenti» memlekettik mekemeleri basshylarynyń Qazaqstan Respýblıkasy «Memlekettik qyzmet týraly», «Sybaılas jemqorlyqqa qarsy kúres týraly» Zańdarynyń jáne Qazaqstan Respýblıkasy Memlekettik qyzmetshileri Ar-namys kodeksiniń saqtalýy boıynsha josparly tekseriste anyqtalǵan buzýshylyqtardy joıý jáne jaýapkershilikke tartylǵan laýazymdy tulǵalar týraly esepteri tyńdaldy.
Keńes qorytyndysynda tártiptik isterdi qaraý nátıjesi boıynsha, Tártiptik keńespen laýazymdy tulǵalardy tıisti tártiptik jazaǵa tartý jáne mán-jaıy boıynsha sheshim qabyldaý úshin tártiptik is materıaldaryn laýazymdy qyzmetkerdiń qaraýyna jiberý týraly usynystar berildi.
