Astanada memlekettik qyzmetshiler Prezıdenttik testileý synaqtaryn tapsyrady
ASTANA. QazAqparat - 16 tamyzda Astana qalasynda Q.Muńaıtpasov atyndaǵy Ortalyq stadıonynda Sport kúnine oraı ortalyq memlekettik organdar qyzmetshileriniń arasynda Qazaqstan Respýblıkasy Tuńǵysh Prezıdentiniń - Elbasynyń testileriniń jazǵy synaqtaryn qabyldaý sporttyq is-sharasy ótedi, dep habarlaıdy QR Mádenıet jáne sport mınıstrligi Sport jáne dene shynyqtyrý komıtetiniń baspasóz qyzmetinen.
Jarys myqtyny anyqtaý men salaýatty ómir saltyn nasıhattaý jáne halyq arasynda buqaralyq sportty damytýǵa baǵyttalǵan.
«Ózderińizge málim, Elbasy 2020 jylǵa deıin «30%-ǵa deıingi qazaqstandyqtardy buqaralyq sportqa tartý kerek» dep atap ótti. Bul mindetti oryndaý úshin, elimizde ótkizilip jatqan Prezıdenttik testiler buqaralyq sportty damytýdyń negizgi lokomatıvine aınalýy tıis.
Bizdiń memleketimiz táýelsiz el retinde Qazaqstan sportynyń damýynda jáne qalyptasýynda úlken jetistikterge jetti. Deni saý ult básekege qabiletti bolady. Sondyqtan sporttyń buqaralyq túrin damytý - memleketimizdiń strategııalyq basym baǵyttarynyń biri bolyp tabylady», dep atap ótilgen habarlamada.
