Astanada memlekettik qyzmetshiler arasynda «Til sheberi - 2015» respýblıkalyq konkýrsy ótýde (FOTO)

ASTANA. QazAqparat - Astanada QR Mádenıet jáne sport mınıstrliginiń Tilderdi damytý jáne qoǵamdyq-saıası jumys komıtetiniń uıymdastyrýymen jastar arasynda «Til sheberi» respýblıkalyq baıqaýy ótýde.

Atalmysh baıqaý úsh tildi - qazaq, orys jáne aǵylshyn tilderin jetik meńgergen memlekettik qyzmetshi jastardy anyqtap, qoldaý. Úshtildilikti nasıhattaý, iskerlik jáne halyqaralyq qarym-qatynas quraly retindegi tilderdi jastardyń meńgerý deńgeıin anyqtaý.

Uıymdastyrýshylardyń aıtýynsha, konkýrsqa ultyna qaramastan 21 men 30 jas aralyǵyndaǵy jastar qatysa alady.

Konkýrs úsh atalymnan turady:

«Mádenıettanym» - qazaq halqynyń salt-dástúri, dili men tili jónindegi suraqtarǵa qazaq tilinde jaýap berý;

«Ulttanym» - qazaq eli tarıhy men uly tulǵalary, elimizdiń aımaqtary jónindegi suraqtarǵa orys, aǵylshyn tilderinde jaýap berý;

«Ónertanym» - 7 túrli jańyltpashty jańylmaı 3 ret aıtýdan jarysqa túsý.

I atalymda qatysýshylar qazaq halqynyń ulttyq kıimin kıip shyǵýlary tıis.

Úmitkerler ónerin baǵalaý kezinde: tilderdi meńgerý deńgeıi, jaýaptyń oramdylyǵy men sapasy, jaýaptyń mazmundylyǵy men ereksheligi, úsh tilde orfoepııalyq turǵydan taza sóıleýi, sahnalyq mádenıeti eskeriledi.

Baıqaý jeńimpazdary qazylar alqasynyń sheshimine sáıkes dıplomdarmen, alǵyshattarmen jáne de aqshalaı syılyqtarmen marapattalady.