Astanada memlekettik qyzmetshiler arasynda spartakıada ótti

Bıylǵy báseke EKSPO-2017 halyqaralyq mamandandyrylǵan kórmesine oraılastyryldy, dep habarlaıdy astana.gov.kz.
Sharany uıymdastyrýshy - Astana qalasynyń dene shynyqtyrý jáne sport basqarmasy jáne elordalyq sporttyq-buqaralyq is-sharalardy ótkizý dırektsııasy.

Túrli vedomstvolardyń qyzmetkerleri arqan tartý men jeńilatletıkalyq estafeta jarysynda sheberlik baıqasty. Jarysqa 81 memlekettik qyzmetshi qatysty, onyń ishinde 5 memlekettik jáne 3 kúshtik qurylymdar komandasy boldy.

Áskerı qyzmetshilerdiń arasynda Astana qalasynyń TJD komandasy eki jarysta da top jardy. Al memlekettik qyzmetshiler arasynda elorda ákimi apparatynyń qyzmetkerleri kósh bastady. Arqan tartýda turǵyn úı basqarmasy ekinshi, Statıstıka departamenti úshinshi oryn aldy.

Estafetada Ádilet basqarmasynyń qyzmetkerleri márege ekinshi bolyp keldi, Astana qalasynyń memlekettik múlik jáne jekeshelendirý departamenti úshinshi orynǵa taban tiredi.

Spartakıadada ulttyq dárejedeg tóreshi Hamzın Daýlet tórelik etti.

Jeńimpazdar medaldarmen jáne dıplomdarmen marapattaldy. Osy jarys úshin Astana qalasynyń sporttyq-buqaralyq is-sharalar dırektsııasy EKSPO halyqaralyq mamandandyrylǵan kórmesi qurmetine erekshe dızaında medal jasap shyǵardy.

Sharanyń maqsaty - salaýatty ómir saltyn nasıhattaý jáne dáripteý, sportty damytý jáne qalyń buqarany sportqa baýlý.