Astanada memlekettik qyzmetshiler arasynda qazaq tilinen baıqaý ótti

ASTANA. QazAqparat - Astanada 300-ge jýyq memlekettik qyzmetshi Qazaqstan halqy tilderiniń HVІІ festıvali aıasynda ótken «Memlekettik til - memlekettik qyzmette» baıqaýyna qatysty, dep habarlady qalalyq ákimdiktiń baspasóz qyzmetinen.

Baıqaýdyń maqsaty - memlekettik qyzmetkerler arasynda memlekettik tildiń qoldanys aıasyn keńeıtý, memlekettik mekemelerde memlekettik tildiń bedelin arttyrý bolyp tabylady. Іrikteý nátıjesinen qorytyndy kezeńge tórt mekemeniń qyzmetkeri joldama aldy. Birinshi oryndy Astana qalasy Statıstıka departamentiniń, ekinshi oryndy - Astana qalasy Qurylys basqarmasynyń, úshinshi oryndy Memlekettik kirister departamentiniń qyzmetkerleri aldy. Jeńimpazdarǵa Astana qalasy ákimdiginiń atynan baǵaly syılyqtar men dıplomdar tabystaldy. Atalǵan sharaǵa Qazaqstan Respýblıkasynyń Parlamenti Májilisiniń depýtattary, qalalyq máslıhat depýtattary, memlekettik mekemelerdiń basshylary, zııaly qaýym jáne BAQ ókilderi qatysty.