Astanada memlekettik qyzmetkerler El birligi doktrınasyn taldaýda
ASTANA. Qarashanyń 23-i. QazAqparat /Quralaı Orynbekqyzy/ - Elordadaǵy Memlekettik basqarý akademııasynda memlekettik qyzmetkerler Qazaqstannyń El birligi doktrınasyn talqylaýda,
dep habarlaıdy QazAqparat tilshisi.
«Búgin biz pikiralmasý formasynda ótetin semınar uıymdastyryp otyrmyz. Onda Qazaqstan halqy Assambleıasynyń ókilderi, keıbir tyńdaýshylar sóz sóıleıdi. Bizdiń memleketimizdiń ishki saıasaty áleýmettik turaqtylyqqa baǵyttalǵandyǵyn bilesizder. Qazaqstan aýmaǵynda 130-dan astam etnos jáne 40-tan astam konfessııa bar. Osyǵan qaramastan, biz áleýmettik turaqtylyqty qura bildik. Bul Memleket basshysynyń júrgizip otyrǵan saıasatynyń arqasynda júzege asty», dep atap ótti Memlekettik basqarý akademııasynyń birinshi vıtse-rektory Baqytjamal Qabykenova.
Qarashanyń 26-na deıin sozylatyn, ıaǵnı 4 kún ótetin sharanyń maqsaty - Qazaqstan elin shoǵyrlandyrýda memlekettik qyzmetkerlerdiń qyzmetin jetildirý, álemdik daǵdarys jaǵdaıynda etnosaralyq jáne konfessııaaralyq kelisimderdiń qazaqstandyq modelin odan ári jetildirý tájirıbesi men joldaryn túıistirý.
«Búgingi semınarǵa qatysý úshin Qazaqstannyń túkpir-túkpirinen memlekettik qyzmetkerler jınalyp otyr. Bular negizinen ishki saıasatpen aınalysatyn memlekettik qyzmetkerler. Tizim boıynsha semınarǵa 47 adam qatysýda. Budan basqa qatysýǵa nıet bildirgen jandar da bar. Jalpy alǵanda 60-qa jýyq adam atsalysýda», dedi B.Qabykenova.
