Astanada memlekettik qyzmet júıesiniń aımaqtyq habyn qurý máseleleri talqylanady
ASTANA. 10 naýryz. QazAqparat - Astanada 15 naýryzda memlekettik qyzmettiń aımaqtyq problemalary jáne aımaqtyq hab qurýǵa arnalǵan konferentsııa ótedi.
Bul týraly QR Prezıdenti janyndaǵy Ortalyq kommýnıkatsııalar qyzmetiniń saıty habarlady.
«Aımaqtyq hab qatysýshy-elderdegi memlekettik qyzmet júıesin jańartýda katalızator rólin atqarmaq, sondaı-aq osy saladaǵy aımaqtyq yntymaqtastyqty nyǵaıtýdyń faktory bolady» - dep habarlady QR Memlekettik qyzmet isteri agenttigi.
Qatysýshy-elderdiń ózara is-qımyly ortalyǵynyń negizi úsh bazalyq ustanym bolmaq: olar - qoǵamǵa qyzmet etý ustanymy, memlekettik qyzmet júıesin jańartý barysynda ashyqtyǵy men móldirligi ustanymy jáne hab qyzmetine qatysý men aqparat almasýdaǵy ózara mindettemelerdiń erkindigi ustanymdary.
«Sóıtip, aımaqtyq hab memlekettik sektordaǵy reformalardy yntalandyrý boıynsha jalpy mindettemelerge negizdelgen qatysýshy-elder arasyndaǵy yntmaqtastyqtyń jemisi bolady» delingen aqparatta.
