Astanada memlekettik kúzet qyzmetine 19 jasqa tolmaǵan azamattar alynyp kelgen
ASTANA. 3 maýsym. QazAqparat -Astana qalasynyń prokýratýrasy elordalyq Іshki ister departamenti memlekettik kúzet qyzmeti bóliminiń is-áreketterinen birqatar buzýshylyqtardy anyqtady.
Bul týraly qalalyq prokýratýranyń baspasóz qyzmetinen habarlandy.
Málimetterge súıensek, elordada barlyǵy 561 kúzet uıymy tirkelgen. Onyń ishinde kúzetshilerdiń sany 5 435 quraıtyn 283 kúzet uıymy jumys isteıdi, qalǵan 278-i jumys istemeıdi. Qyzmettik qarýdy paıdalanýǵa 66 kúzet uıymynda ruqsaty bar.
Al qalalyq prokýratýra júrgizgen tekserý barysy ІІD qyzmetkerleriniń kúzet uıymdarynyń áreketterin tolyq teksere bermeıtindigi anyqtaldy. Buǵan anyqtalǵan buzýshylyqtar dálel. Máselen, iriktep tekserý nátıjesinde 9 kúzet uıymynyń qyzmetinde 47 buzýshylyq tirkelgen.
«Arnaıy daıyndyqtan ótpegen jáne tıisti kúzetshi kýálikteri joq 19 jastan tómen adamdardyń qabyldanýy kúzet uıymdaryna tán buzýshylyqtar bolyp tabylady. Atalǵan buzýshylyqtar «Kúzet qyzmeti týraly» QR Zańynyń 10-babyna qaıshy keledi. Osyǵan baılanysty, qalalyq prokýratýra kúzet uıymdaryna qatysty 8 ákimshilik is qozǵady. Jalpy salynǵan aıyppul somasy 865 500 teńgeni qurady. Sonymen birge, Úkimettiń 2000 jylǵy 8 tamyzdaǵy qaýlysymen bekitilgen Qazaqstan Respýblıkasyndaǵy qarý men onyń patrondary aınalymy erejesiniń buzatyn naqty faktiler anyqtaldy. Atap aıtqanda, 7 qyzmettik atys qarýy arnaıy qarý-jaraq bólmesinde saqtalmaı, táýlik boıy beketterde kezekshilikke túsken kezde bir kúzetshiden ekinshisine berilip kelgen», - delingen baspasóz habarlamasynda.
Atalǵan buzýshylyqtar úshin «Grýp 4 Sekıýrıtı Kazahstan» JShS fılıalynyń dırektory Astana qalasy mamandandyrylǵan aýdanaralyq ákimshilik sotynyń qaýlysymen aıyppul túrinde ákimshilik jaýapkershilikke tartyldy. Osylaısha, prokýratýranyń zańdylyqty buzý sebepteri men jaǵdaılaryn joıý týraly usynymy boıynsha zańdylyqtardy buzǵany úshin Іshki ister departamentiniń 3 bólim qyzmetkeri tártiptik jaýapkershilikke tartyldy.
