Astanada memlekettik basqarý deńgeıleri arasyndaǵy ókilettikterdi ortalyqsyzdandyrý máselesi talqylandy
ASTANA. QazAqparat - QR Premer-Mınıstriniń orynbasary – Qarjy mınıstri Erulan Jamaýbaev memlekettik basqarý deńgeıleri arasyndaǵy ókilettikterdi ortalyqsyzdandyrý máselesine qatysty jıyn ótkizdi, dep habarlaıdy QazAqparat Úkimettiń resmı saıtyna silteme jasap.
Otyrysqa ortalyq atqarýshy organdar men memlekettik qyzmet, strategııalyq josparlaý jáne reformalar jónindegi vedomstvolardyń ókilderi qatysty.
Qatysýshylar zańnamalyq retteý, ókilettikterdi tómengi deńgeılerge qaıta bólý, fýnktsıonaldyq taldaý, jol kartasynyń jobasyn ázirleý sekildi máselelerdi talqylady.
Jıyndy qorytyndylaı kele, E. Jamaýbaev Ulttyq ekonomıka mınıstrligine memlekettik organdarmen birlesip, kezeń-kezeńmen ákimshilik reformanyń Jol kartasynyń jobasyn, sondaı-aq zańnamalyq retteý máselelerin pysyqtaýdy tapsyrdy.
Foto: primeminister.kz
