Astanada memlekettik baǵdarlamalar qatysýshylary úshin páterler bólinedi
ASTANA. QazAqparat - 11 qyrkúıekte Astana qalasy ákimdiginiń resmı saıtynda turǵyn úı qurylysynyń 2008-2010 jyldarǵa arnalǵan memlekettik baǵdarlamasyna (2-kezeń) qatysýshylar úshin habarlama jarııalandy.
Turǵyn úı komıssııasynyń 2015 jylǵy 1 jáne 31 shildedegi sheshimimen Saraıshyq kóshesiniń oń jaǵyndaǵy kóp páterli turǵyn úı keshenderinen (Jumabaev kóshesiniń shyǵysynda Lot 2 (Lot 6,7,9,10,11) jáne N. Tilendıev dańǵylynyń oń jaǵyndaǵy, Sarybulaq arnasynyń boıyndaǵy turǵyn úı keshenderinen 5, 18 lottar (páterler) bólindi.
Turǵyn úılerdi bólý boıynsha tizimder buǵan deıin Astana qalasy Turǵyn úı basqarmasynyń saıtynda jarııalanǵan bolatyn.
2015 jylǵy 9 qyrkúıektegi jaǵdaı boıynsha 441 adam satyp alý-satý sharttaryn jasaǵan joq (tizim myna jerde ).
Tizimde kórsetilgen azamattarǵa 2015 jylǵy 30 qyrkúıekke deıingi merzimde shuǵyl túrde Astana qalasy Seıfýllın kóshesi, № 30 úı mekenjaıynda ornalasqan Astana qalasy Turǵyn úı basqarmasynyń 11 kabınetine satyp alý-satý sharttaryn jasaý úshin kelý qajettigin habarlaımyz.
Belgilengen merzimde satyp alý-satý sharttary jasalmaǵan jaǵdaıda olardy turǵyn úı alýshylar tiziminen shyǵarý týraly másele qaralatyn bolady.
