Astanada memleketaralyq izdeýde júrgen kúdikti ustaldy
ASTANA. QazAqparat - Astana stantsııasyndaǵy Іshki ister jelilik basqarmasynyń qyzmetkerleri «Saryaǵash-Astana» baǵytyndaǵy jolaýshylar poıyzy vagondarynyń birinen memleketaralyq izdeýde júrgen 28 jastaǵy OQO Saryaǵash qalasynyń turǵynyn ustady, dep habarlady Kóliktegi ІІD baspasóz qyzmetinen.
2014 jyldyń 23 jeltoqsanynda oǵan qatysty QR QK-niń 136-babynyń 1-bólimine (Balalaryn nemese eńbekke jaramsyz ata-analaryn kútip-baǵýǵa qarajat tóleý jónindegi mindetterdi oryndamaý) sáıkes qylmystyq is qozǵaldy.
Qazirgi ýaqytta ustalǵan azamat Astana qalasynyń tergeý ızolıatoryna qamaldy.
