Astanada memleketaralyq izdeýde júrgen áıel ustaldy
ASTANA. KAZINFORM – Astanalyq polıtsııa qyzmetkerleri azamattardy 70 mln teńgeden astam somaǵa aldap-soqqan áıeldi ustady.
«Elordanyń polıtsııa qyzmetkerleri jedel-izdestirý is-sharasyn júrgizý kezinde memleketaralyq izdeýde júrgen 43 jastaǵy áıeldi ustady. Ol 2022 jyldan bastap adamdardyń senimine kirip, bıznesti damytýǵa jeńildikpen kredıt berýge ýáde bere otyryp, azamattardy 70 mıllıon teńgeden astam somaǵa aldaǵany anyqtaldy», - dep jazdy Astana qalasy Polıtsııa departamentiniń bastysy Marat Tólebaev Facebook paraqshasynda.
Sondaı-aq, jelidegi jazbada izdeýdegi áıeldiń qamaýǵa alynǵany aıtylǵan. Osyǵan oraı Astana qalasynyń Polıtsııa departamenti azamattardy qyraǵy bolýǵa, beıtanys adamdarǵa senbeýge jáne kúmándi mámilelerge qatyspaýdy eskertedi.
