Astanada memleket qaıratkeri Fazyl Káribjanovty eske alýǵa arnalǵan kesh ótedi
ASTANA. 30 mamyr. QazAqparat - 31 mamyr kúni Astanada «Nazarbaev Ortalyǵy» kópfýnktsıonaldy ǵylymı-taldaý jáne gýmanıtarlyq-aǵartý memlekettik mekemesinde asa kórnekti qoǵam qaıratkeri Fazyl Kárimuly Káribjanovtyń 100 jyldyǵyna arnalǵan eske alý keshi ótedi.
Fazyl Káribjanov Qazaqstan Kompartııasy Ortalyq komıtetiniń aýylsharýashylyq bólimi meńgerýshisi, Qaraǵandy oblystyq partııa komıtetiniń ekinshi hatshysy, Qazaq KSR Joǵarǵy Keńesi tóralqasynyń tóraǵasy bolyp qyzmet etti. Óz eńbek jolyn qatardaǵy agronom qyzmetinen bastap, kórnekti memleket qaıratkeri deńgeıine kóterildi.
Eske alý keshine Fazyl Káribjanovtyń týǵan-týystary, zııaly qaýym, memleket jáne qoǵam qaıratkerleri qatysady.
F. Káribjanov nebári 48 jyl ómir súrdi. Osy qysqa ǵumyrynda onyń elimizdiń ekonomıkalyq damýyna qosqan úlesi zor. Ol soǵys jyldaryndaǵy úzdik qyzmeti úshin eki márte «Qurmet belgisi» ordenimen marapattaldy. Onyń talmas eńbeginiń nátıjesinde sol ýaqytta elimizdiń egis alqabynyń kólemi 30 mln. gektarǵa jetip, Qazaqstan memleketke 1 mlrd. 340 mln. put astyq ótkizdi. Bul sońǵy 11 jyldyq kórsetkishten asyp tústi. Osy jetistikteri úshin F. Káribjanov Lenın ordenimen marapattaldy.
Keshti uıymdastyrýshy QR Mádenıet jáne aqparat mınıstrliginiń Mádenıet komıteti. Kontsertte QR halyq ártisi Qaırat Baıbosynov, QR eńbek sińirgen ártisi Ǵalııa Baıǵazınova, Qazaqstannyń eńbek sińirgen qaıratkerleri Azamat Jyltyrkózov, Bıbigúl Januzaq, Gúlmıra Sarına, Gúlzıra Bókeıhan, Janat Shybyqbaev, «Aq jaýyn» memlekettik kameralyq orkestri jáne «Naz» memlekettik bı teatry óner kórsetedi.
