Astanada Memleket basshysynyń qatysýymen Tamyz konferentsııasy bastaldy
ASTANA. KAZINFORM – Táýelsizdik saraıynda Prezıdent Qasym-Jomart Toqaevtyń qatysýymen pedagogterdiń Tamyz konferentsııasynyń plenarlyq otyrysy bastaldy.
Bıylǵy konferentsııa «Jańa Konstıtýtsııa – bilim berý júıesiniń strategııalyq negizi» taqyrybyna arnalǵan.
Búgingi jıynda ótken oqý jylynyń qorytyndysy shyǵarylyp, bilim berý salasynyń ózekti máseleleri talqylanyp, jańa oqý jylyndaǵy negizgi basymdyqtar aıqyndalady.
Konferentsııa aıasynda bilim berý salasyna jasandy ıntellekt pen tsıfrlyq tehnologııalardy engizýge arnalǵan «Bilim bolashaǵy» atty aýqymdy kórme ótip jatyr. Qatysýshylarǵa tsıfrlyq quraldar, ınteraktıvti platformalar, ádistemelik ázirlemeler men oqý protsesin ıkemdi ári tıimdi uıymdastyrýdyń jańa tásilderin kórsetetin tehnologııalar tanystyryldy.
Baǵdarlamada pedagogterdiń qatysýymen plenarlyq otyrys jáne marapattaý rásimi de qarastyrylǵan.
Konferentsııaǵa qatysýshylar bilim berý júıesin damytý, oqý protsesine tsıfrlyq tehnologııalar men jasandy ıntellektini engizý, pedagogterdi jańa talaptarǵa daıarlaý, sondaı-aq balalardy tsıfrlyq ortada tárbıeleý jáne qaýipsizdigin qamtamasyz etý máselelerin talqylamaq.
Elimizdiń barlyq óńirinen 600-den astam bilim salasynyń qyzmetkerleri men eńbek ardagerleri qatysyp otyr.
Óńińrlerden kelgen áriptester 13 paneldik sessııada konferentsııa taqyrybyna saı kún tártibindegi máselelerdi talqylaıdy.
Aıta keteıik, jańa oqý jylynda bilim berý uıymdaryna 12 myńǵa jýyq pedagog qabyldanbaq.
