Astanada Melanoma kúnine arnalǵan aktsııa ótedi
ASTANA. QazAqparat - Astana qalasynyń Dermatologııa ortalyǵy qalalyq onkologııa dıspanseriniń onkologtarymen birlesip 30-mamyr kúni «Melanoma kúni» aktsııasyn ótkizedi, dep habarlaıdy QazAqparat.
Jyl saıyn mamyr aıynda álemniń kóptegen elderinde «Melanoma kúnine» arnalǵan aktsııa ótedi. Melonoma kúni ólimge ákelip soǵatyn áleýetti aýrýdy onyń alǵashqy kezeńinde ońaı emdeýge bolatynyna qoǵamnyń nazaryn aýdarýǵa shaqyrýǵa arnalǵan.
Ekologııalyq jaǵdaıdyń tómendeýi jáne aýanyń zııandy ýltrakúlgin sáýleni ótkizýiniń joǵarylaýy, solıarıı jasaýdyń sánge aınalýy, kúnge qarsy paıdalanatyn quraldarsyz kún astynda uzaq bolý - aýrýdyń jyl saıynǵy ósýine áser etetin faktorlar. Qoǵamdaǵy aqparattyń jetispeýshiligimen, dárigerge kesh qaralymǵa barý - bul melanomany emdeýde sátsiz joldardyń biri bolyp tabylady.
Teri melonomasy aýrynyń erte kezeńin, qarapaıym teri jabyndysyn qaraýda anyqtaýǵa bolady. 2015 jyly Qazaqstan Respýblıkasynda alǵash ret 355 aýrýlar,onyń ishinde Astana qalasynda 14, 2016 jyly Astana qalasynda 21 aýrý tirkelgen.
30-mamyr kúni «Melanoma kúni» aktsııasy aıasynda barlyq qaralymǵa kelgen emdelýshiler bilikti dermatologtar men onkologtardyń keńesi, arnaıy dıagnostıkalyq ádister (dermatoskopııa, vıdeodermatoskopııa) kómegimen qabyldanady. Vıdeodermatoskopııamen tekserý jaı kózben baqylaýǵa alýǵa qıyn teridegi elementterdi kórýge jáne olardyń qurylysyn muqııat zerdeleýge múmkindik týǵyzady. Atalǵan ádis dınamıkalyq baqylaý jasaý úshin taptyrmas ádis, sebebi túsirilgen sýretter muraǵattandyrylady.
Aktsııa aıasynda tegin qaralymnan ótýge jáne qajet bolǵan jaǵdaıda onkolog mamandardan dıagnostıkalyq jáne emdik qoldaý alý múmkindigi bar.
Melonoma kúni - meńderdi tekserý arqyly aýrýdy ýaqytyly ańyqtap, óz ómirin jáne jaqyndarynyń ómirin qorǵaý múmkindigi bolyp tabylady.
