Astanada mekteptegi kóshbasshylyqtyń máseleleri talqylanyp jatyr
ASTANA. 15 qarasha. QazAqparat - Búgin Astanada «Mekteptegi kóshbasshylyq jáne basqarý 2012» halyqaralyq ǵylymı-tájirıbelik konferentsııa óz jumysyn bastady.
Bul alqaly jıyndy «Nazarbaev Zııatkerlik mektepteri» derbes bilim berý uıymy uıymdastyryp otyr.
«Búginde mektepterde kóshbasshylyqsyz jumys isteý qıyn. Qazirgi kezde mekteptegi kóshbasshylyq teorııa ǵana emes, ol uǵym búginde is júzinde bar»,-dep atap ótti «Nazarbaev Zııatkerlik mektepteri» DBBU Basqarma tóraıymy Kúlásh Shámshıdınova.
«Búginde bizde 7 mektep bar. Atap aıtqanda ár dırektordy taǵaıyndaǵan kezde, qatelikke boı aldyrmaýdy oıladyq. ıAǵnı, taǵaıyndaǵan mektep dırektorlaryna qatysty qatelespegenimizdi maqtan etip aıta alamyn. Sebebi olar óz jumystaryna laıyqty adamdar»,-dedi tóraıym.
Onyń paıymdaýynsha, mektep ujymynda basshylyqtaǵy adamdar janynda basqa da kóshbasshylardy kórýdi úırený kerek jáne olardy túsiný qajet. «Osy oraıda bizdiń maqsat - kóshbasshylyqty mekteptiń ortaq mıssııasyn, mindetin atqarýǵa baǵyttaýǵa negizdelýi tıis»,-dedi K. Shámshıdınova.
Konferentsııa barysynda «Kóshbasshylyq áleýettiń damýy: muǵalimniń kóshbasshylyq róli», «Tájirıbedegi úılestirilgen kóshbasshylyq», «Kóshbasshylyqtaǵy ınnovatsııalar» taqyryptarynda baıandamalar jasaldy. Aıta keteıik, eki kúnniń ishinde bilim salasyndaǵy sheteldik mamandarmen birge birqatar sektsııalyq otyrystarda osy taqyryp pen oqytýdyń basqa da máseleleri aıasynda talqylaýlar ótkiziletin bolady.
