Astanada «Mektepke jol» aıasynda balalarǵa oqý quraldary taratyldy

ASTANA. QazAqparat - «Mektepke jol» aktsııasy aıasynda «Nur Otan» partııasy turmysy tómen otbasydan shyqqan elordalyq mektep oqýshylaryna kómek qolyn sozdy, dep habarlaıdy QazAqparat 24.kz silteme jasap. 

60-qa tarta bala EKSPO kórmesin tegin aralap, mektepke qajetti jabdyqtarmen qamtamasyz etildi. Búldirshinder qýyrshaq teatrynyń ónerin de tamashalady. Jalpy partııanyń «Birlik» fılıaly Astana boıynsha jyl saıyn shamamen 650 balaǵa kómek kórsetip keledi. Qaıyrymdylyq sharasyna kásipkerler men túrli uıymdar qoldaý jasaıdy.

"Qalasa kóp balaly otbasylar feısbýk, áleýmettik jeliler, ınstagramm arqyly Nur otan partııasy «Birlik» fılıalyna ótinish bildirse bolady. Odan bólek Táýelsizdik, 3 ǵımaraty arqyly sol jerge baryp ótinishi bildirip, ózderiniń balalarynyń tizimderin, qaı synypqa baratynyn aıtsa, biz qoldan kelgenshe kásipkerlerdiń, uıymdardyń negizinde kómek kórsetemiz",-deıdi «Nur Otan» partııasy «Birlik» fılıaly tóraǵasynyń birinshi orynbasary Shyńǵyshan Qojahmetov