Astanada «Mektepke jol» aktsııasy aıasynda 70 oqýshyǵa kómek kórsetildi
ASTANA. KAZINFORM — Astanadaǵy Dostyq úıinde «Mektepke jol» qaıyrymdylyq aktsııasy ótti. Іs-sharaǵa ata-analar men balalar, memlekettik organdar men qoǵamdyq qorlardyń ókilderi, etnomádenı birlestikter músheleri qatysty, dep habarlaıdy elorda ákimdiginiń resmı saıty.
2009 jyldan beri ótip kele jatqan aktsııanyń negizgi maqsaty — jańa oqý jyly qarsańynda áleýmettik turǵydan az qamtylǵan jáne kópbalaly otbasylardan shyqqan oqýshylarǵa qoldaý kórsetý.
Astanadaǵy Dostyq úıi oǵan jyl saıyn belsendi túrde atsalysady.
— Mektep tabaldyryǵyn jańadan attaǵaly turǵan baldyrǵandardyń qadamy qutty bolsyn! Oqýǵa zerek bolyp, zeıinderi ashylsyn! Ata-analarǵa, eń bastysy, shydam tileımin! Sebebi bala oqytqan ońaı emes. Ár balanyń óziniń talaby, umtylysy bolady. Sony kóre alyp, ári qaraı damytýǵa kúsh-qýat bersin! Balalarymyz bilim alýdan sharshamasyn! Osyndaı ıgi bastamalardyń basynda júreıik, — dedi Astana qalasy Іshki saıasat basqarmasynyń ókili Janna Ábdýálı.
Aıta keteıik, aktsııa barysynda 70 oqýshy mektep sómkesimen jáne oqý quraldarymen qamtamasyz etildi.
Budan buryn mektep formasyna qoıylatyn talaptardy saqtamaǵan oqýshyny mektepke kirgizbeýge nemese sabaqtan shettetýge bolmaıtynyn jazdyq.
