Astanada «Mektepke jol» aktsııasy ótedi

ASTANA. QazAqparat - Qazaqstan Respýblıkasy Prezıdentiniń oqýshylardyń mektepke barýyn tolyq qamtamasyz etý jónindegi tapsyrmasyn oryndaý maqsatynda Astana qalasynda 2015 jylǵy 1 tamyzdan 30 qyrkúıek aralyǵynda «Mektepke jol» VIII dástúrli jalpy respýblıkalyq qaıyrymdylyq aktsııasy «Balalarǵa birge kómek bereıik!» uranymen ótkiziledi, dep habarlady astana.gov.kz.

Aktsııanyń maqsaty - oqýǵa tartylmaǵan balalardy anyqtaý, turmysy tómen jáne kóp balaly otbasylardyń balalary men jetim jáne ata-anasynyń qamqorlyǵynsyz qalǵan oqýshylarǵa kómek berý. Sonymen birge, aktsııa áleýmettik sebepter boıynsha 1 qyrkúıekte balalardyń mektepke barmaýynyń aldyn alýǵa baǵyttalǵan.

«Mektepke jol» atty respýblıkalyq qaırymdylyq aktsııasynyń ashylýy 2015 jylǵy 3 tamyzynda saǵat 11.00-de Astana qalasynyń Mınıstrlikter úıiniń 3 kire berisinde, 4 qabatta, konferents-zalynda ótedi.

Baspasóz máslıhatynda «Dar» qoǵamdyq qory turmysy tómen otbasylarynyń 10 balasyna, oqýshy sómkesi men oqý quraldary jıyntyǵyn syıǵa tartady.

Aıta ketý kerek, 2014 jyly osy Aktsııa kezeninde 7667 balaǵa, 68506,2 myń teńge somasyna, onyń ishinde 5958 balaǵa, 47664 myń teńge kóleminde demeýshiler tarabynan kómek kórsetildi.

Іs-sharalarǵa Astana qalasynyń ákimdigi, Astana qalasynyń Bilim basqarmasy, densaýlyq saqtaý basqarmasy, jumyspen qamtý jáne áleýmettik baǵdarlamalar basqarmasy, jastar saıasaty jónindegi basqarmasy, qoǵamdyq birlistikter, Іshki ister basqarmasynyń qyzmetkerleri, úkimettik emes uıymdardyń ókilderi, ata-analar qoǵamdastyqtary jáne taǵy basqa uıymdar atsalysady.

Aktsııanyń barysynda tómendegi is-sharalardyń ótkizilýi josparlanýda:

- birinshi synyp oqýshylaryn qurmetteýdi uıymdastyrý («Birinshi synypqa birinshi ret», «Birinshi synyp oqýshylaryna syılyq» jáne t.b.), áleýmettik qorǵalmaǵan otbasylarynyń birinshi synypqa baratyn balalaryna qaıyrymdylyq is-shara;

- turmysy tómen otbasylarǵa kómek kórsetý úshin iri saýda úılerinde mektepke qajetti zattardy, oqý quraldaryn qabyldaýǵa arnalǵan konteınerler ornatý boıynsha «Meıirimdi qoldar» aktsııasy;

- «Otbasynan otbasyna» qoldaý: «Balany mektepke daıyndaımyz», «Balalarǵa meıirim syıla» qaıyrymdylyq aktsııalary;

- aǵymdaǵy jyldyń 22 jáne 23 tamyz kúnderi mektep jármeńkesin uıymdastyrý kózdelip otyr.

Dálelsiz sebepter boıynsha mektepke barmaı júrgen balalardy anyqtaý maqsatynda reıdtik is-sharalar uıymdastyrylady.

Qala alańdary men basty kóshelerine aktsııanyń logotıpi men jedel jeli telefondarynyń nómirleri beınelengen bannerler men bılbordttar ornatylady, uıymdar men mekemelerge, avtobýs aıaldamalaryna, bazarlarǵa, saýda ortalyqtaryna aktsııanyń logotıpi men «jedel jeli» telefondarynyń nómirleri beınelengen plakattar ornalastyrylady.

№ 7, 52, 76 metepterde (14.08, 21.08, 28.08, 3.09) aıyna eki ret balany mektepke ornalastyrý boıynsha mamandardyń keńesi jáne zańgerlik kómek kórsetiledi.