Astanada «Mektepke jol» aktsııasy aıasynda 23 mln. teńgeden astam qarajat kómegi kórsetildi
ASTANA. 1 qazan. QazAqparat - 1 tamyz ben 30 qyrkúıek aralyǵynda ótken «Mektepke jol» respýblıkalyq aktsııasy barysynda oǵan qatysýshylar Astanada 3616 muǵalimniń qatysýymen 102 850 páterdi aralap, mektep jasyndaǵy balalarǵa kómek kórsetildi.
Bul týraly búgin Astanada ótken baspasóz máslıhatynda Astana qalalyq Balalardy qorǵaý basqarmasynyń basshysy Rımma Imanǵazınova aıtty.
Onyń aıtýynsha, aktsııa barysynda áleýmettik jaǵynan turmysy tómen, kóp balaly otbasynan shyqqan jáne qadaǵalaýsyz, panasyz qalǵan balalar, sondaı-aq, basqa da sebepterge baılanysty sabaqqa kelmeı júrgen materıaldyq kómekke muqtaj balalardy anyqtaý maqsatynda reıdter júrgizildi.
«Bıyl aktsııany «Nur Otan» HDP, QR Bilim jáne ǵylym, Ádilet, Qorshaǵan ortany qorǵaý mınıstrlikteri, Іshki ister departamenti, Statıstıka, Din isteri jónindegi agenttikter jáne basqa da memlekettik organdar qoldady», - dep atap ótti R. Imanǵazınova.
Sonmen qatar, ulttyq kompanııalar men basqa da uıymdardyń qoldaýy nátıjesinde 6256 balaǵa 23 mln. 349 myń teńgege kómek kórsetildi.
