Astanada «Mektepke jol» aktsııasy aıasynda 200-ge tarta bala mektepke daıyndaldy
Áleýmettik kómek negizinen 1-4 synypta oqıtyn turmysy tómen jáne kóp balaly otbasy balalaryna, jetimderge kórsetildi. Balalardy jańa oqý maýsymyna daıyndaýǵa qajetti qarajatty bólip, qoldaý kórsetkenderdiń qatarynda Qazaqstan Halyq banki, "Tsesna-Astyq" kontserni, "Astana-Jylýtranzıt", "Jańa qurylys", "Highvill Kazakhstan" syndy kompanııalar bar.
Aıta keteıik, QR Bilim jáne ǵylym mınıstrligi altynshy jyl qatarynan 1 tamyz ben 30 qyrkúıek aralyǵynda «Mektepke jol» atty respýblıkalyq qaıyrymdylyq aktsııasyn ótkizýde. Aǵymdaǵy jyly «Qazaqstan - 2050» strategııasynda kórsetilgendeı, balalardyń ómir jaǵdaıyn jaqsartý boıynsha jańa áleýmettik saıasatty júzege asyrý maqsatynda aktsııa «Biz birge bolashaqty quramyz!» atty uranmen bastalǵan bolatyn.
Aktsııanyń maqsaty turmysy tómen otbasylardaǵy oqýshylarǵa qoldaý men kómek kórsetý ǵana emes, sondaı-aq mektepke áleýmettik jaǵdaımen barmaý sebebi boıynsha balalardyń máselelerine qoǵamnyń nazaryn aýdarý bolyp tabylady. Aktsııa ótkizilgennen bastap 1 mıllıonnan astam bala jalpy somasy 6 mıllıard teńge kóleminde materıaldyq kómek aldy. Demeýshiler men metsenattardyń qoldaýymen 2,5 mıllıard teńgege kómek kórsetildi.