Astanada mektepke jarylǵysh zat qoıylǵany týraly jalǵan habarlaǵan 6 synyp oqýshysy bolyp shyqty
ASTANA. QazAqparat - Elordalyq polıtseıler jedel-izdestirý is-sharasynyń barysynda qala mektebiniń birinde jarylǵysh zaty qoıyldy dep qońyraý shalǵannyń kim ekenin anyqtady, dep habarlaıdy qalalyq ІІD-niń baspasóz qyzmetinen.
Qońyraý shalǵan adamnyń 6 synyp oqýshysy ekeni anyqtaldy. Máseleni anyqtaý kezinde ata-analarynyń aldynda kámeletke tolmaǵan bala óz áreketin jasyrmady.
Atalmysh fakti sotqa deıingi tergeýlerdiń biryńǵaı tizilimine 273 bap (terrorızm aktisi týraly jalǵan aqparat taratý) boıynsha engizildi. Oǵan qosa QR QK 144 (kámeletke tolmaǵan tárbıeleýde mindetterdi oryndamaý) babyna sáıkes ata-analaryna qatysty sotqa deıingi tergeý bastaldy. ıÝvenaldyq polıtsııa ınspektorlary atalmysh faktilerge jol bermeý jáne sonyń saldarynan qandaı jaýapkershilikke tartylatyndyǵy jóninde profılaktıkalyq áńgime júrgizdi.
Eske salaıyq, keshe saǵat 15.00-de Astana qalasy ІІD Jedel basqarý ortalyǵyna belgisiz adamnan № 27 mektep ǵımaratyna jarylǵysh zattyń qoıylǵandyǵy jóninde habarlama kelip tústi.
Oqıǵa ornyna Astana qalasy ІІD jedel tergeý toby kelip jetti. Kınologııalyq ortalyqtyń qyzmetkerleri men «Arlan» arnaıy maqsattaǵy bólinisiniń tehnıkalyq mamandary mektep ǵımaraty men mańyn tekserdi.
Sonymen qatar polıtsııa qyzmetkerleri 900 adamdy - oqýshylar, muǵalimder men mektep qyzmetkerlerin evakýatsııalaý boıynsha jumystar júrgizdi. Ǵımaratty tekserý kezinde jarylǵysh zat qoıylǵan degen habarlama joqqa shyǵaryldy.
