Astanada mektepke deıingi bilim berýdegi ozyq tájirıbeler men ınnovatsııalar talqylandy
ASTANA. KAZINFORM — Astanada «Qarlyǵash» balabaqshasynda «Qazaqstan Respýblıkasynyń mektepke deıingi bilim berý salasyndaǵy ozyq tájirıbeleri» atty halyqaralyq ǵylymı-praktıkalyq konferentsııa ótti.
Shara Qazaqstan Respýblıkasy Prezıdenti Іs basqarmasy Medıtsına ortalyǵy balabaqshasynyń 15 jyldyq mereıtoıyna oraı uıymdastyryldy.
Konferentsııaǵa Norvegııa, Qatar, Túrkııa, Ázerbaıjan, Qyrǵyzstan, Armenııa, Belarýs, Reseı jáne ıÝNISEF ókilderi, sondaı-aq QR Oqý-aǵartý mınıstrligi men otandyq joǵary oqý oryndarynyń, bilim basqarmalary men ádistemelik ortalyqtardyń jetekshileri men mamandary qatysty.
Іs-shara barysynda mektepke deıingi bilim berýdegi ınnovatsııalyq ádister, dýaldy oqytý modelderi, ulttyq qundylyqtardy engizý jáne balalardyń úılesimdi damýyn qamtamasyz etetin jobalar talqylandy.
Forýmnyń ashylý baǵdarlamasynyń mańyzdy bóligi retinde «Qarlyǵash» balabaqshasyna ekskýrsııa uıymdastyryldy. Qatysýshylarǵa mektep jasyna deıingi balalardyń kommýnıkatsııa jáne oılaý qabiletterin damytýǵa arnalǵan medıajobalar men «Bastaý» avtorlyq baǵdarlamasy tanystyryldy. Bul tájirıbe teorııalyq bilim men praktıkalyq jumystardy biriktirip, mektepke deıingi bilim berý salasyndaǵy jańa tásilderdi talqylaýǵa múmkindik berdi.
Plenarlyq otyrysta Qazaqstan men shetelden kelgen birneshe negizgi spıkerler óz baıandamalaryn jasady. Olardyń qatarynda QR Oqý-aǵartý mınıstrliginiń Mektepke deıingi bilim berý departamentiniń dırektory Manara Adamova, Balalardy erte damytý ınstıtýtynyń dırektory Marııa Ermanova, MANAoKO akademııalyq koordınatory Lazzat Býlebaeva jáne Norvegııa, Belarýs, Qatar, Túrkııa, Ázerbaıjan elderiniń sarapshylary boldy.
Balalardy erte damytý ınstıtýtynyń dırektory Marııa Ermanova konferentsııanyń basty baǵyty — balanyń úılesimdi damýy ekenin alǵa tartty.
— Konferentsııanyń basty baǵyty — bala, onyń úılesimdi damýy jáne salaýatty balalyq shaq. Biz kásibı qaýymdastyqtyń árbir bala úshin eń jaqsy jaǵdaı jasaýǵa ortaq maqsatpen biriktirilgenin kórip otyrmyz, — dedi ol.
Pikir almasý paneldik sessııalarda oqytý men tárbıeleýdiń jańa ádisteri, ulttyq qundylyqtardy bilim berý protsesine engizý, sondaı-aq TRIZ tehnologııasy men Redjıo-pedagogıka qoldaný máseleleri talqylandy. Sonymen qatar, medıtsınalyq qoldaý, ınklıýzıvti praktıka jáne mektep jasyna deıingi balalarda ekologııalyq mádenıet qalyptastyrý da mańyzdy taqyryp boldy.
«Qarlyǵash: ınnovatsııalar is júzinde» praktıkalyq týrynda pedagogter naqty tájirıbelerdi, sonyń ishinde «Bastaý» avtorlyq baǵdarlamasy men Esoteam ekologııalyq jobasyn tanystyrdy.
Konferentsııa «Mektepke deıingi bilim berýdiń bolashaǵy: syn-qaterler, baǵdar, resýrstar» dóńgelek ústelimen qorytyndylandy. Qatysýshylar halyqaralyq yntymaqtastyqty keńeıtý, sapa standarttaryn engizý jáne erte jastaǵy zertteý jobalaryn damytý máselelerin talqylady.
Sondaı-aq, konferentsııada «Mektepke deıingi bilim berýdegi ınnovatsııalyq tehnologııalar» kórmesi ótti, onda ınteraktıvti qum alańdary, drondar, VR jabdyqtary, zamanaýı pedagogıkalyq zerthanalar men avtorlyq ádistemeler kórsetildi.
Konferentsııa qorytyndysy boıynsha qatysýshylar uıymdastyrý deńgeıiniń joǵary bolǵanyn jáne baǵdarlamanyń praktıkalyq turǵydaǵy baǵytyn atap ótti.
— Konferentsııa uıymdastyrýshylyq jaǵynan joǵary deńgeıde ótkizildi jáne plenarlyq, sektsııalyq talqylaýlar baǵdarlamasy mazmundy boldy. Mundaı is-sharalar mektepke deıingi bilim berý júıesin damytýda halyqaralyq dıalogtiń jáne ozyq tájirıbeler almasýdyń mańyzdylyǵyn rastaıdy, — dep atap ótti Manara Adamova.
«Qarlyǵash» balabaqshasynyń dırektory Gúlshat Onlanbekqyzy forýmdy dál osy mereıtoı jyly ótkizý úlken mártebe ekenin aıtty.
— Biz úshin osyndaı aýqymdy forýmdy dál osy mereıtoı jyly ótkizý úlken mártebe. «Qarlyǵash» — bolashaq bilim berýdiń zamanaýı tásilderi men qundylyqtary qalyptasatyn ınnovatsııalar flagmany, — dedi ol.
Osydan buryn PІB Medıtsınalyq ortalyǵy halyqaralyq sertıfıkatqa ıe bolǵanyn jazǵanbyz.