Astanada mektepke deıingi mekemelerge toptaý ótedi
ASTANA. QazAqparat - Astanada 2-13 qarasha aralyǵynda kezekke tirkelgen barlyq jas toptarynyń balalary úshin jańadan ashylǵan mektepke deıingi mekemelerge toptaý júrgiziledi. Joldama kezekke saı qoldanystaǵy balabaqshalarǵa beriledi. Bul týraly ákimdiktiń resmı saıtynda habarlady.
«Mektepke deıingi mekemelerde balalardy toptaý № 61 orta mektepte ár sársenbi kúni saǵat 10:00-17:00 aralyǵynda ótkiziledi. Astana qalasynyń turǵyndary ( http://egov.kz/ portalynan JSN, aty-jóni jáne balanyń týǵan jylyn engizý arqyly bilýge bolady) elektrondyq qyzmetten kezektiń jyljyǵanyn kóre alady. Eger kezek nómiri kórsetilmegen jaǵdaıda, jumys toptaryna habarlasýdyń qajeti joq. Balabaqshanyń ornalasqan mekenjaıy sizdi qanaǵattandyrmaǵan jaǵdaıda joldamadan bas tarta alasyz. Bul rette sizdiń kezegińiz saqtaýly qalady.
Jeńildik sanatyndaǵy azamattardyń nazaryna! Qarastyrylǵan qoldaýhattardyń nátıjelerin 9-13 qarasha aralyǵynda bilýińizge bolady.
Toptaý kestesine joldama alý úshin kórsetilgen kezek nómirine sáıkes Qartaly kóshesinde ornalasqan № 61 orta mektepke barý kerek.
Toptaý aıaqtalǵan soń 1 jeltoqsanda http://egov.kz/ portalynan kezektiń jyljyǵanyn kórýge bolady. Jumys tobynyń kestesimen Astana qalasy ákimdiginiń resmı saıtyndaǵy «Aqparattar bıýrosy» aıdarynan tolyqqandy tanysa alasyzdar», - dep jazylǵan habarlamada.
