Astanada mektepke deıingi mekemelerde balalardy toptaý aıaqtaldy
ASTANA. QazAqparat - Elordada 27 sáýir men 5 maýsym aralyǵynda balalardy mektepke deıingi mekemelerge toptaý júrgizildi, dep habarlady astana.gov.kz.
Astana qalasy Bilim basqarmasynyń habarlaýynsha, 2015 jyly jalpy bólingen oryndar sany 6000-dy qurasa, onyń 1500-i jeńildikti sanattaǵy turǵyndarǵa arnalǵan.
Jeńildikti sanattarǵa áskerı qyzmetkerlerdiń, múmkindigi shekteýli jandardyń balalary, sonymen qatar, turmysy tómen otbasylardan shyqqan balalar jatady.
Balabaqshadan oryn alý úshin ata-analar balanyń týý týraly kýáligi men Halyqqa qyzmet kórsetý ortalyqtarynda beriletin kezek sany kórsetilgen qujatty komıssııaǵa tapsyrýy qajet. Memlekettik dotatsııasy bar jeke balabaqshaǵa berý úshin bala úsh jasta bolýy kerek jáne kezekte turýy tıis.
Joldama alǵannan keıin ata-analar 5 kúnniń ishinde balabaqshada tirkelýi tıis. Medıtsınalyq tekseristen keıin balalar balabaqshaǵa bara alady.
Eske sala keteıik, elordada 80 memlekettik jáne 52 jeke menshik balabaqsha jumys isteıdi. Búgingi tańda memlekettik balabaqshalardaǵy oryndar sany 21731-di qurasa, taǵy 4625 oryn jeke balabaqshalardan berilýi múmkin.
