Astanada mektepke deıingi bilim berý uıymdarynyń tizimi jańartyldy
ASTANA. QazAqparat - Astana qalasynyń Bilim basqarmasy saıtynda mektepke deıingi bilim berý uıymdarynyń jańartylǵan tizimin jarııalady, dep habarlaıdy QazAqparat.
Memlekettik jáne jekemenshik balabaqshalardyń, sonymen qatar shaǵyn ortalyqtardyń tizimi jeke berildi.
Osyǵan deıin, aǵymdaǵy jyldyń sáýir-mamyr aılarynda Astanadaǵy balabaqshalarǵa 24 myń bala qabyldanatyny týraly habarlanǵan. «26 myń bala kezekte tur», - degen bolatyn elordalyq Bilim basqarmasynyń basshysy Ánýar Janǵozın.
Sonymen birge balalardy kezekke qoıý erejeleriniń ózgergeni týraly da aıtylǵan.
