Astanada mektep jasyndaǵy oqýshylardyń sany 125 myń baladan asty - E.Sýhanberdıeva
ASTANA.QazAqparat - Bıylǵy oqý jylynda elorda mektepteri 125 myńnan asa oqýshyǵa bilim beredi. Bul týraly búgin tamyz konferentsııasy barysynda Astana qalalyq bilim berý basqarmasynyń basshysy Elmıra Sýhanberdıeva málim etti.
"2015-2016 oqý jyldarynda Astana qalasynda mektepke baratyn oqýshylardyń sany - 125 myń bala. 2014-2015 oqý jylynda 105 myń oqýshy oqyǵan, bıyl mine 20 myń balaǵa tolyǵyp otyr",-deıdi bilim basqarmasynyń basshysy.
Onyń aıtýynsha, Astanaǵa qonys aýdaryp jatqan otbasylar kóp, sondyqtan, ár jaz saıyn elorda mektepteri ózge aımaqtardan kelgen 5 myńǵa jýyq oqýshyny qabyldaıdy.
"5 myń oqýshy degenimiz - eki aýysymda bilim beretin úsh mektep. ıAǵnı, jyl saıyn Astana qalasynda jańa úsh mektep salyp otyrý kerek degen sóz. 2015-2016 oqý jyldaryna arnap úsh mektep salyndy. Astana qalasyndaǵy mektepterdiń barlyǵy oqýlyqpen tolyqtaı qamtylǵan",-dedi ol.
