Astanada mektep jármeńkesi ótedi
ASTANA. QazAqparat - Jyl saıyn jańa oqý jyly qarsańynda Astanada mektep taýarlary men oqý quraldary jármeńkesi ótedi. Bıyl turǵyndarǵa yńǵaıly bolý úshin sharany 16-23 tamyzda demalys kúnderi ótkizý josparlanǵan. Jármeńke ádettegideı ákimdik aldyndaǵy qalalyq alańda uıymdastyrylady. Bul týraly astana.kz saıtyna Astana qalasy Bilim basqarmasy málimdedi.
Jármeńkeden Astana turǵyndary men qonaqtary qajetti taýarlaryn qoljetimdi baǵada satyp ala alady. Kelýshilerdiń nazaryna qalamnan bastap eseptegish kalkýlıator men túrli qalyptaǵy dápterge deıingi alýan túrli oqý-quraldary qoıylady. Sonymen qatar, Astana jáne Qazaqstannyń ózge de aımaqtarynyń kásipkerleri mektep jasyndaǵy jáne mektepke deıingi jastaǵy balalarǵa arnalǵan kıimder, aıaq kıim, portfel men sómkelerdi usynady. Mektep jármeńkesi ótetin kúnderi kelýshilerge kontserttik baǵdarlama uıymdastyrylyp, qoǵamdyq tamaqtaný núkteleri ashylady.
Esterińizge sala keteıik, mektep jármeńkesi «Mektepke jol» respýblıkalyq aktsııasy aıasynda Astanada jyl saıyn ótkiziledi.
