Astanada mektep jármeńkesi bastaldy (FOTO)
ASTANA. QazAqparat - Búgin elorda ákimdigi aldyndaǵy alańda mektep oqýshylaryna qajetti qural-jabdyqtar men kıim-keshek jármeńkesi bastaldy. Sharaǵa Astana, Almaty, Qaraǵandy jáne Shymkent qalasynyń taýar óndirýshileri qatysýda.
Jármeńkede mektep formasy, aıaq kıimder, keńse zattary, rıýkzaktar, oqýlyqtar men basqa da mektep jabdyqtary tómendetilgen baǵamen satylýda. Mektep jabdyqtary qaladaǵy dúkender men saýda núktelerine qaraǵanda 10-50 paıyzǵa deıingi tómen baǵamen saýdalanýda.
«Jármeńkeden balama qajetti barlyq zattardy qala dúkenderine qaraǵanda birshama tómendetilgen baǵaǵa satyp aldym. Mundaı sharanyń jıi ótip otyrǵany oryndy. Máselen, 12 bettik dápterdi qala dúkenderinen 18-25 teńge aralyǵynda satyp alsań, munda ony 8-10 teńgege alýǵa múmkindigiń bar», - dedi Arman esimdi balanyń anasy.
Mektep jármeńkesi jyl saıyn oqý jylynyń qarsańynda ótkiziledi. Kelesi senbi, 23 tamyz kúni de jármeńke óz jumysyn jalǵastyratyn bolady.
