Astanada mektep jármeńkeleri ótip jatyr: qajetti zattardy qaıdan arzan alýǵa bolady
ASTANA. KAZINFORM — Astananyń barlyq aýdanynda 1-31 tamyz aralyǵynda mektep jármeńkeleri uıymdastyrylady. Munda elorda turǵyndary jańa oqý jylyna qajetti taýarlardy qoljetimdi baǵada satyp ala alady, dep habarlaıdy qala ákimdiginiń resmı saıty.
Qazir jármeńkeler qalanyń ár aýdanynda ótip jatyr. Saýda oryndaryna kún saıyn 200-den 400-ge deıin adam kelip, keńse taýarlaryn, mektepke qajetti kerek-jaraqtaryn jáne oqý jylynyń bastalýyna qajetti basqa da zattardy satyp alyp jatyr.
Jármeńkeler ár demalys saıyn myna oryndarda jumys isteıdi:
• Saryarqa» aýdany — «Rahmet» SOO, N. Tilendıev dańǵyly, 15;
• Nura aýdany — «Magnum» sýpermarketi, Turan kóshesi, 55D, sondaı-aq «Era bazary», Qorǵaljyn tasjoly, 96;
• Almaty aýdany — «Gúljan» SÚ, Abylaı han dańǵyly, 34 jáne «Astana Moll» SOO, Táýelsizdik dańǵyly, 34;
• Saraıshyq aýdany — ár senbi jáne jeksenbi kúnderi «Jibek joly» SOO, A. Baıtursynov kóshesi, 34 jáne «Damu Mall» SOO, Jumeken Nájimedenov kóshesi, 26;
• Baıqońyr aýdany — «Aımaq-Taý» SÚ, S. Seıfýllın kóshesi, 45/1.
— Mektep jármeńkelerimen qatar elordada áleýmettik az qamtylǵan otbasylardan shyqqan balalarǵa qoldaý kórsetýge baǵyttalǵan «Meıirimdi alaqan» qaıyrymdylyq aktsııasy da ótip jatyr. Іri saýda ortalyqtarynda arnaıy jáshikter qoıylyp, qala turǵyndary oǵan mektepke arnalǵan kerek-jaraqtary men oqý jylyna qajetti basqa da zattardy tapsyra alady, — deıdi uıymdastyrýshylar.
Kómek jınaýǵa arnalǵan jáshikter myna mekenjaılarda ornalasqan:
• Nura aýdany — «Saryarqa» SOO, Turan dańǵyly, 24;
• Baıqońyr aýdany — «Aımaq-Taý» SÚ, S. Seıfýllın kóshesi, 45/1;
• Saraıshyq aýdany — «Damu Mall» SOO, Jumeken Nájimedenov kóshesi, 26;
• Almaty aýdany — «Arýjan» SOO, І. Jansúgirov kóshesi, 8/1.
Mektep jármeńkeleriniń uıymdastyrylýy elorda turǵyndaryna jańa oqý jylyna qajetti taýarlardy qoljetimdi baǵamen alýǵa múmkindik berse, «Meıirimdi alaqan» aktsııasy kómekke muqtaj otbasylardy qoldaýǵa árkimniń óz úlesin qosýyna jol ashady.
Buǵan deıin Astanada «Mektepke jol» aktsııasy aıasynda 70 oqýshyǵa kómek kórsetilgenin jazdyq.
