Astanada mektep jabdyqtary eń tómen baǵamen satylady
ALMATY. 27 tamyz. QazAqparat - Astanada 30 tamyzda «Mektepke jol» aktsııasy aıasynda 40-tan astam kásipkerdiń qatysýymen mektep jármeńkesi ótedi.
Іs-sharany uıymdastyrǵan Kásipkerlik jáne Balalardyń quqyqtaryn qorǵaý basqarmalarynyń habarlaýynsha, taýarlar naryqtyq baǵadan tómen baǵamen satylyp, barynsha tómendetiledi.
«Mektep jabdyqtaryna 10-25% jáne balalardyń mektepke kıetin kıim-keshekterine 10-50% jeńildik jasalady. Keıbir taýarlar óndirýshiniń baǵasymen satylady», - dep habarlady astana.kz saıtyna qalalyq kásipkerlik basqarmasynan.
Aıta keteıik, jármeńkege Astana jáne Almaty, Qaraǵandy, Shymkent qalalarynyń kásipkerleri qatysady.
«Jármeńkede mektep formasy, aıaq kıim, keńse taýarlary, rıýkzaktar, oqýlyqtar men basqa de mektep jabdyqtary satylady. Astana turǵyndary úshin bul balany mektepke ázirleýdiń jaqsy múmkindigi», - delingen kásipkerlik basqarmasynyń aqparatynda.
Alańda qala turǵyndary úshin kontsert uıymdastyrylyp, qoǵamdyq tamaqtaný oryndary ashylady. Sondaı-aq, halyqqa zań boıynsha keńester beretin qoǵamdyq qabyldaýlar júrgiziledi.
Mektep jármeńkesi 30 tamyzda qalalyq ákimdik aldyndaǵy alańda saǵat 9.00-17.00 aralyǵynda ótedi.
