Astanada mektep túlekteriniń «Trıýmf» baly ótýde (FOTO)
ASTANA. QazAqparat - Bilim báıgelerinde elorda mártebesin asqaqtatqan mektep túlekterin saltanatty túrde marapattaý maqsatynda, Táýelsizdik saraıynda daryndy balalarǵa arnalǵan «Trıýmf» baly ótip jatyr.
Balǵa Astananyń bilim berý ordalarynyń 11-synyp oqýshylary qatysýda.
«Trıýmf» baly aǵymdaǵy jyly jalpy orta bilim beretin pánder boıynsha ótkizilgen halyqaralyq, respýblıkalyq olımpıadalar men ǵylymı joba saıystarynyń 350-den asa jeńimpazyna arnalyp otyr. Bas júlde ıegerleri men olardy saıysqa daıyndaǵan ǵylymı jetekshiler baldyń saltanatty bóliminde marapattalady. Olar óziniń iri ǵylymı jobalary arqyly úlken jetistikke jetip, UBT tapsyrýdan bosatylǵan jáne Qazaqstan men shet elderdiń eń myqty ýnıversıtetterinde oqýǵa joldama alǵandar. Olar búgin ózderiniń jemisti eńbekteri úshin osyndaı balǵa qatysýǵa laıyq dep esepteımiz", - deıdi Astana qalalyq bilim basqarmasynyń bastyǵy Elmıra Sýhanberdıeva.
Jalpy 2014-2015 oqý jylynda astanalyq oqýshylar AQSh, Brazılııa, Grýzııa, Reseı, Koreıa elderinde ótken halyqaralyq olımpıadalarǵa qatysyp, nátıjesinde 235 medaldi qorjynǵa salǵan.
