Astanada mektep oqýshysyn qaǵyp ketken júrgizýshiniń esimi anyqtaldy
ASTANA. QazAqparat - Astanada búgin jaıaý júrginshilerge arnalǵan jolda ketip bara jatqan balany qaǵyp ketken «Toyota Land Cruiser» kóligi júrgizýshisiniń esimi men mert bolǵan mektep oqýshysynyń aty-jóni anyqtaldy, dep habarlady Astana qalalyq ІІD-niń baspasóz qyzmetinen.
«Kólikti 1983 jylǵy áıel júrgizgen. Qaza tapqan bala 2003 jyly dúnıege kelgen. Qazirgi kezde «Abaısyzda adam ólimine soqtyrǵan jol qozǵalysy erejesi jáne kóliktik quraldy basqarý erejesin buzý» 345-shi baby boıynsha sotqa deıingi tergeý amaldary júrgizilýde. Qazirgi ýaqytta barlyq qajetti tergeý áreketteri ótkizilip, tıisti saraptama taǵaıyndaldy», - dep habarlady baspasóz qyzmetinen.
Eske sala keteıik, búgin kúndizgi saǵat 12-i shamasynda A.Imanov kóshesimen kele jatqan «Toyota Land Cruiser PRADO» kóliginiń júrgizýshisi Qajymuqan kóshesiniń qıylysynda burylýy kezinde jaıaý júrginshilerge arnalǵan jolmen ketip bara jatqan mektep oqýshysyn qaǵyp ketti. Jaıaý júrginshi oqıǵa ornynda kóz jumdy.
